Belarus prezidenti Aleksandr Lukaşenko bildirib ki, hələ bu ilin əvvəlində “Vaqner” muzdlu dəstəsinin başçısı Yevgeni Priqojinə qarşı sui-qəsdin hazırlanması barədə məlumat alıb.

ONN media Rusiya KİV-nə istinadən xəbər verir ki, Belarus prezidenti bununla bağlı açıqlamasında bildirib:

“Mən Kremlə - Putin və Bortnikova (FTB-nin direktoru-red.) Priqojinə qarşı gözlənilən sui-qəsd cəhdi ilə bağlı şifrəli mesaj göndərdim”.

Daha əvvəl Lukaşenka demişdi ki, Priqojin özünün təhlükəsizliyinin təmin olunmasını xahiş etməyib.

Avqustun 23-ü axşam saatlarında Tver vilayətinin Kujenkino kəndi yaxınlığında Yevgeni Priqojinin şəxsi təyyarəsi qəzaya uğrayıb. O, Moskva - Sankt-Peterburq reysi ilə uçurmuş. Federal Hava Nəqliyyatı Agentliyi qəzaya uğrayan təyyarədəki 10 nəfər arasında Yevgeni Priqojinin də olduğunu bildirib. Tver vilayətində qəzaya uğrayan təyyarə ilə bağlı araşdırmalara başlanılıb.

Kremlin sözçüsü Dmitri Peskov ictimaiyyəti Yevgeni Priqojinin təyyarəsindən götürülən qalıqların genetik ekspertizasının nəticələrini gözləməyə çağırıb