Türkiyə prezidenti Rəcəb Tayyip Ərdoğan Özbəkistana səfər edib.

ONN media xəbər verir ki, Özbəkistan prezidenti Şavkat Mirziyayev Ərdoğanı paytaxt Daşkənddə rəsmi tədbirlə qarşılayıb.

Rəsmi tədbir məkanında hər iki ölkənin dövlət himni səsləndirilib. Mühafizə alayını salamlayan Ərdoğana iki ölkənin heyəti təqdim edilib.

Tədbirdə Özbəkistandakı xarici ölkələrin səfirlik nümayəndələri də iştirak edib. Tədbirdən sonra heyətlər arasında görüşlər başlayıb. Sonra isə prezidentlərin görüşü baş tutub.

2 ölkə arasında 25 müqavilə imzalanıb.