Rusiyanın Yakutiya respublikasında fövqəladə vəziyyət elan olunub.

ONN media xəbər verir ki, bu barədə Rusiyanın fövqəladə hallar naziri Vladimir Puçkov məlumat verib. Nazirin sözlərinə görə, qərar daşqınlarla əlaqədar qəbul olunub.

Qeyd olunur ki, daşqınlar nəticəsində Yakutiyada 11 yaşayış məntəqəsi ziyan çəkib, daha 6-7 qəsəbə su altında qalmaq təhlükəsi ilə üz-üzədir.

Bildirilib ki, bölgəyə xilasetmə işləri ilə əlaqədar əlavə qüvvələr cəlb olunur.