Kanadada keçirilən G-7 ölkələrinin sammiti ərəfəsində Almaniya kansleri Angela Merkel, Böyük Britaniyanın baş naziri Tereza Mey, Fransa prezidenti Emmanuel Makron və İtaliyanın baş naziri Cuzeppe Konte arasında görüş olub.

ONN media xəbər verir ki, söhbət zamanı ölkə liderləri həmçinin Rusiyanın G-8 formatına qayıdışına toxunublar.

“Avropanın mövqeyi – Rusiya qayıtmamalıdır”, deyə Fransa prezidenti E.Makrona yaxın mənbə liderlərin qərarlarını açıqlayıb. Bununla belə bildirilir ki, dövlət başçıları Moskva ilə dialoq qurma imkanını nəzərdən keçirirlər.

Qeyd edək ki, ABŞ prezidenti Donald Tramp Rusiyanı sammitdə görmək istədiyini bəyan edib.