Cümhuriyyət Xalq Partiyasından (CHP) Türkiyə prezidentliyə namizəd Məhərrəm İncə iyunun 24-də keçirilən seçkilərlə bağlı CHP-nin qərargahında mətbuat konfransı keçirib.

ONN media Türkiyə KİV-inə istinadən xəbər verir ki, Məhərrəm İncə seçkilərin nəticələrini qəbul etdiyini bildirib.

“15 milyon vətəndaş mənə səs verdi. Məqsədimiz 30 milyondur. Prezident seçkilərində 15 milyon nəfər mənə səs verirsə, bu rəqəmi qısa müddətdə 30 milyona çatdırmaq mümkündür”, - o deyib.

Qeyd edək ki, Türkiyədə iyunun 24-də keçirilən prezident və parlament seçkilərinin nəticələri məlum olub. Seçkilərə Milliyyətçi Hərəkat Partiyası (MHP) və Böyük Birlik Partiyası (BBP) ilə ittifaq quraraq gedən iqtidardakı Ədalət və İnkişaf Partiyasının (AKP) namizədi, hazırkı prezident Rəcəb Tayyib Ərdoğan 52.5% səs toplayaraq ilk turda yenidən prezident seçilib.