ABŞ prezidenti Donald Tramp Rusiya Federasiyasının dövlət başçısı Vladimir Putinlə görüşündə müzakirə ediləcək məsələlərdən danışıb.

 Bu barədə ONN media  "Reuters" ə istinadla xəbər verir.

Ağ Ev rəhbəri bildirib ki, o, rusiyalı həmkarı ilə Suriyada və Ukraynada yaranmış vəziyyəti, həmçinin 2016-cı ildə Amerikada keçirilmiş seçkilərə Rusiyanın müdaxiləsi məsələlərini müzakirə etmək niyyətindədir.

"Ukrayna, Suriya, seçkilər...Biz istəmirik ki, kimsə seçkilərimizə müdaxilə etsin" – deyə Tramp bildirib.

Qeyd edək ki, Putinlə Trampın görüşü Helsinkidə, iyulun 16-da keçiriləcək. Dövlət başçıları görüşdə ikitərəfli münasibətlərin inkişafı və beynəlxalq, aktual məsələləri qaldırmaq niyyətindədirlər.