ABŞ-ın Mərkəzi Kəşfiyyat İdarəsinin (MKİ) keçmiş rəhbəri Con Brennan prezident Donald Trampla bağlı “son dərəcə qərəzli ifadəsinə görə” Konqresdə dindirilə bilər.

ONN media xəbər verir ki, bu haqda Konqresinin hüquq komitəsinin sədri Bob Qudlatt “Fox News” telekanalına müsahibəsində deyib.

Con Brennan Trampın ünvanına öz tənqidləri ilə məşhurdur. Məsələn, o, Rusiya prezidenti Vladimir Putinlə görüşündə Amerika liderinin davranışını “xəyanət” adlandırıb. Brennan daha əvvəl bildirib ki, Rusiya Trampla bağlı dəlillərə malik ola bilər. Onun sözlərinə görə, Putinin bu dəlillərlə Trampı qorxutması istisna edilmir.

Tramp isə Con Brennanı “çox pis oğlan” adlandırıb.