ONN media xəbər verir ki, ABŞ-ın Rusiyadaki səfiri Con Hantsman ölkə prezidentləri Donald Tramp və Vladimir Putinin Helsinkidə keçirilən sammitlərindən sonra istefaya getmək haqqında çağırışı rədd edib.

Səfir bunu "The Salt Lake Tribune" qəzetində öz məqaləsində bildirib.

Səfir qeyd edib ki, ölkələr arasında münasibətlərdə "vəziyyətin qeyri-müəyyənliyi" onu Moskvada qalmağa məcbur edir.

Hantsman məqalədə bildirir ki, səfirlik əməkdaşları hal-hazırda nüvə silahı, Ukrayna və Suriya kimi problemlərdə diqqətlərini cəmləşdiriblər.

Daha əvvəl qəzetin şərhçisi Robert Gerke yazıb ki, Hantsman "prezidentə deyil, asanlıqla idarə olunan insana işləyir. Onun artıq evə getmək vaxtıdır".