İngiltərə Xarici İşlər naziri Ceremi Hant Çin səfərində bu ölkə ilə nə qədər dərin əlaqələrinin olması barədə ağız dolusu danışıb.

ONN media xəbər verir ki, Hant Çin Xarici İşlər naziri Vanq Yi ilə görüşündə 19 yaşından bel çantası ilə Çinə səfərə çıxdığını bildirərkən həyat yoldaşının yapon olduğunu deyib. Ancaq bundan dərhal sonra səhvini düzəldən nazir xanımının çinli olduğunu söyləyib. Nazirin bu sözləri salonda böyük gülüşə səbəb olub.

Hant vəziyyətdən çıxmaq üçün söylədiklərinin dəhşətli səhv olduğunu bildirib: "Həyat yoldaşım çinlidir. Uşaqlarımız yarı çinlidir. Bir sözlə, Çinlə ailə bağlılığımız var".