İranın ali ruhani lideri Əli Xamenei Tvitter səhifəsində ABŞ-la danışıqlardan imtina etdiklərini yazıb.

ONN media xəbər verir ki, Əli Xamenei ABŞ-la istənilən danışıqların əleyhinə olduğunu və bu danışıqları aparmağı qadağan etdiyini bildirib.

O, qeyd edib ki, Vaşinqtonun qeyri-dəqiq addımlarına görə ABŞ-la danışıqlar aparmaq mümkünsüzdür. Dini liderin sözlərinə əsasən, ABŞ-la dialoq ancaq bir şərtlə mümkündür-İran Vaşinqtonun onu aldatmayacağına əmin olmalıdır. Amma bu gün belə bir dəqiqlik yoxdur.

Xamenei qeyd edib ki, ABŞ özünə inam yaradıb nüvə müqaviləsini pozub. ABŞ-ın bu hərəkəti isə Vaşinqtona inanmamaq lazım olduğunu sübut edir.