Yuri Xaçaturov yaxın günlərdə Kollektiv Təhlükəsizlik Müqaviləsi Təşkilatının (KTMT) baş katibi postunu tərk edəcək.

ONN media xəbər verir ki, bu barədə “Jamanak” qəzeti öz mənbələrinə istinadən məlumat yayıb.

Məlumata görə, KTMT-yə üzv ölkələrin hamısı Ermənistanın Xaçaturovla bağlı müraciətinə müsbət cavab veriblər.

“Mümkündür ki, Ermənistanın bu posta yeni namizəd irəli sürməyinə icazə verilməyəcək. Böyük ehtimalla, təşkilatın baş katibi Belarus nümayəndəsi olacaq. Çünki əlifba sırasına görə ikinci ölkə Belarusdur. Xaçaturovun Moskvada qalacağı və Ermənistana qayıtmayacağı deyilir”, - deyə qəzet yazıb.