Hollandiya Azərbaycan Türk Kültür Dərnəyinin Başçısı İlhan Aşkının ONN media-ya verdiyi məlumata əsasən bu gün, dekabrın 5-də Türkiyə dövlətinin Niderland Krallığındakı fövqəladə və səlahiyyətli səfiri cənab Şaban Dişli ilə Hollanda Azərbaycan Türk Kültür Dərnəyi arasında görüş keçirildi.

Keçirilən görüş zamanı cənab səfiri Niderland Krallıgındaki yeni vəzifəsi münasibəti ilə təbrik etdik, ona gələcək işlərində ugurlar arzuladıq. Daha sonra hər iki tərəfi maraqlandıran bir sıra məsələrlə baglı fikir mübadiləsi apardiq. Belə ki, dərnəyimizin yaranma tarixi, keçmiş və indiki fəaliyyəti, Niderland dövlətinin ictimai-siyasi həyatı ilə olan əlaqələri barədə cənab səfirə qisa məlumat verdik. Səfir isə öz növbəsində təbrikə görə öz təşəkkürünü bildirdi, burada yaşayan insanların holland dilini dərindən bilmələrinin vacibliyini, ölkənin mədəni, ictimai-siyasi həyatında insanlarımızın yaxindan iştirak etmələrinin böyük əhəmiyyət kəsb etdiyini vurğuladı. Görüşün sonunda xatirə olaraq cənab səfirə dərnəyimizin 20 illik fəaliyyətini əks etdirən kitabı və üzərində Bakı şəhərinin mənzərəsi əks olunan suviniri hədiyyə etdik. Cənab səfir hədiyyələrə görə öz təşəkkürünü bildirdi və gələcəkdə də belə görüşlərin keçirilməsinin faydalı olacağını vurğuladı.