Amerikanın kruiz kompaniyası “Royal Caribbean International” sərnişini olan qadını laynerindən düşürərək ona həmişəlik şirkətin xidmətlərindən istifadəni qadağan edib.
ONN media bildirir ki, buna səbəb qadının laynerdə həyatını riskə ataraq selfi çəkdirməsi olub.
Kayutunun eyvanına çıxan sərnişin oradan gəminin karkas hissəsinə çıxıb. Qadının məqsədi maraqlı selfi çəkmək olub. Bunu görən sərnişinlərdən biri kapitan heyətinə məlumat verib.
Gəminin idarəetmə heyəti qadını dayandıqları Yamayka sahillərində düşürüb. Bundan başqa həmin qadına şirkətin xidmətlərindən istifadə qadağan edilib.