Daha 687 şəhidin 1017 vərəsəsinə birdəfəlik ödəmənin verilməsinə dair qərar qəbul edilib. Bu barədə ONN media-ya Əmək və Əhalinin Sosial Müdafiə Nazirliyindən məlumat verilib. Məlumata görə, birdəfəlik ödəmələrin yaxın günlərdə həmin vərəsələrin bank hesablarına köçürülməsi üçün müvafiq işlər aparılır. Qeyd edək ki, bu vaxta qədər 10472 şəhidin 15498 varisinə birdəfəlik ödəmə haqqında qərar qəbul edilib. Bununla da şəhidlərin vərəsələrinin birdəfəlik ödəmə ilə təminatı proqramının artıq 85,4 faizi icra olunub.