Daxili işlər orqanları tərəfindən narkotiklərin qanunsuz dövriyyəsinə qarşı mübarizə istiqamətində uğurlu əməliyyat tədbirləri davam etdirilir.

ONN media xəbər verir ki, DİN Mətbuat Xidmətinin Bərdə regional qrupunun yaydığı məlumata əasən, avqustun 7-i daxil olmuş məlumat əsasında Bərdə Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayon sakini Süleyman Hümbətov saxlanılıb. Onun üzərindən 14.03 qram marixuana aşkar edilərək götürülüb. 

Davam etdirilən araşdırmalarla onun evinə baxış keçirilən zaman dolabda sellofan torbada gizlətdiyi 4 kiloqram 165 qram marixuana da aşkar edilərək götürülüb. Faktla bağlı cinayət işi başlanılıb, araşdırmalar davam etdirilir.