Yaxın Şərqdə gərginlik artmaqdadır.

ONN media xəbər verir ki, İsrailin Suriyada İran İslam İnqilabı Keşikçilər Korpusuna (SEPAH) aid hədəfləri vurmasından sonra İran Hərbi Hava Qüvvələrinin komandanı, briqada generalı Əziz Nəsirzadə Təl-Əvivi təhdid edib.

İranlı general İsraillə döyüşmək və onları məhv etmək üçün səbrsiz olduqlarını bildirib.

"Hava qüvvələrindəki gənc insanlar tamamilə hazırdır, sionist rejimlə döyüşmək və onları Yer üzündən silmək üçün səbrsizik", - Nəsirzadə söyləyib.

Qeyd edək ki, yanvarın 1-də yerli vaxtla 02:11-dən 02:56-ya qədər İsrail hərbi aviasiyası qonşu dövlətin qərb, cənubi-qərb və cənub hissələrinə hücum edib.İranın bu bəyanatı ilə bölgədə vəziyyətin daha da gərginləşəcəyi gözlənilir. Publika.az