UEFA Avropa Liqasının bu il mayın 29-da Bakı Olimpiya Stadionunda keçiriləcək final oyununun daha bir səfəri müəyyənləşib. ONN media AFFA-nın saytına istinadən xəbər verir ki, Aleksandr Səmədov UAL Final-2019-un səfəri kimi aprelin 20-də və 21-də Moskvada keçiriləcək UEFA Avropa Liqasının “KİA Kubok Turu”nda iştirak edəcək. Qeyd edək ki, A.Səmədov Moskva “Dinamo”su, “Lokomotiv”, “Spartak”, “Moskva” klublarının heyətində oynayıb. Hazırda Samaranın “Krılya Sovetov” komandasında çıxış edir. Rusiya milli komandasının heyətində isə 50-dən çox oyun keçirib.