“Qarabağ”ın Çempionlar Liqasının 3-cü təsnifat mərhələsindəki rəqibi bəlli olub.

ONN media xəbər verir ki, Albaniya təmsilçisi “Kukesi” komandasını mübarizədən kənarlaşdıran Ağdam təmsilçisi növbəti mərhələdə Belarusun BATE klubu ilə qarşılaşacaq.

Belarus klubu bir qədər əvvəl başa çatan oyunda HİK-ə (Finlandiya) 2:1 hesabı ilə qalib gələrək (ilk oyun - 0:0) 3-cü təsnifat mərhələsinə vəsiqə qazanıb. “Qarabağ” isə albanları 3 cavabsız qolla məğlub edib.

Qeyd edək ki, 3-cü təsnifat mərhələsinin ilk oyunları 7-8 avqustda, cavab qarşılaşmaları isə 14 avqustda keçiriləcək.