Vergilər Nazirliyində kadr dəyişikliyi baş verib. 

ONN media Report-a istinadla xəbər verir ki, nazir Mikayıl Cabbarov Nazim Səmədovu aparat rəhbəri təyin edib.

O, indiyə qədər mədəniyyət nazirinin müavini olub və yeni vəzifəsində Nigar Alimovanı əvəz edib. Keçmiş aparat rəhbərinin isə nazirlikdə yeni yaradılmış Katiblik Departamentinə rəhbər təyin edildiyi bildirilir. 

Xatırladaq ki, N.Alimova 2015-ci fevralın 9-da ölkə prezidentinin sərəncamı ilə “Dövlət qulluğunda fərqlənməyə görə” medalı ilə təltif edilib.