Bakı şəhər İcra Hakimiyyəti və rayon icra hakimiyyətlərinin cavabdeh şəxslərdən ibarət mobil qrupları şəhər ərazisində güclü qar yağması və yolların buz bağlanması ehtimalı ilə əlaqədar hər hansı çətinliyin yarana biləcəyi əraziləri gecə saat 1, 3 və 5-də  gəziblər. Bütün şəhər ərazisində qar yağacaqdısa, çətinliklərin aradan qaldırılması üçün tədbirlərin görülməsinə hazırlıq görülüb. Nəzərə çatdırılıb ki, bununla əlaqədar Mənzil Təsərrüfat Departamentinin sərəncamında olan xüsusi texnika artıq neçə gündür ki, tam hazır vəziyyətə gətirilib. O cümlədən rayon İcra hakimiyyətlərinə məxsus xüsusi texnikalar,şəhərdə fəaliyyət göstərən iri idarə və təsərrüfatların da texnikası bu məsələlərlə əlaqədar hazırlıq vəziyyətində olub. "Azərsu”, "Azərişıq” və digər dövlət qurumları da Bakı şəhər İcra Hakimiyyətində fəaliyyət göstərən qərargahla əlaqəli işləyiblər.

 

Bakı şəhər İcra Hakimiyyəti nəzərə çatdırıb ki, bütün xidmət sahələri, rayon İcra hakimiyyətlərindəki qruplar operativlik, moibillik nümayiş etdirib. Ötən müddət ərzində Bakı şəhəri üzrə ciddi hadisə, problem yaşanmayıb. Güclü külək 100-ə qədər ağacı aşırıb, qol-budağını sındırıb. Yasamal rayonunda bir dayanacağı aşırıb, həmin dayanacağın da yerində Bakı Nəqliyyat Agentliyi tərəfindən yenisi quraşdırılıb. Bəzi köhnə tikililərdə dam örtüyü, hasarlar uçub.