Artıq bir neçə ildir ki, paytaxtda istismar müddəti keçmiş və bu səbəbdən yararsız hala düşmüş binaların sökülərək, yerində yeni çoxmənzilli yaşayış binalarının tikilməsi ilə bağlı pilot layihə davam etdirilir. ONN media bildirir ki, pilot layihə çərçivəsində həyata keçirilən işlərlə bağlı Axar.az-a danışan Bakı Şəhər İcra Hakimiyyətinin mətbuat xidmətinin rəhbəri İsrafil Kərimov bildirib ki, qəzalı vəziyyətdə olan binaların söküntü işləri uğurla davam etdirilir: “Paytaxtda qəzalı vəziyyətdə olan binaların sökülərək, yerində çoxmərtəbəli binaların tikilməsini nəzərdə tutan pilot layihə uğurla davam etdirilir. Artıq paytaxtın bəzi rayonlarında işlər başa çatmaq üzrədir”.