Alabama ştatının sakini tarakanları məhv etmək istəyərkən çoxmənzilli binanı yandırıb.

ONN media xəbər verir ki, Hantsvil şəhərindəki binalardan birində yanğın olub. Hadisə yerinə gələn yanğınsöndürən briqadası az zamanda öz işlərinin öhdəsindən gəliblər. Həm insan tələfatı olmayıb, həm də əmlaka elə çox ziyan dəyməyib.

Videokameraları izləyərkən yanğını Kristofer Cozef Reyli adlı sakinin törətdiyi məlum olub. Onun binanın vestibülündəki elan lövhəsini alışqanla yandırması videokameraya düşüb.

Polis 55 yaşlı sakini həbs edib. Dindirilmə zamanı Cozef yanğına səbəb olduğunu etiraf edib. O bildirib ki, hər şeyin günahkarı tarakanlardır. Cozef tüstü ilə zəhləsi getdiyi böcəkləri mənzildən qovmaq istəyib, əvəzində ehtiyyatsızlıqdan binanı yandırıb.