ONN media bildirir ki, Sakura Yaponiyanın rəmzlərindən biri sayılır. Lakin almanların bu ağacın çiçəklənməsinə tamaşa etmək üçün uzağa getmələrinə ehtiyac yoxdur.

Bonn şəhəri yapon gilənarının Almaniya paytaxtıdır. 1980-ci illərin ortalarında burada küçələrə xeyli sayda sakuralar əkilib. Bu aprel günlərində onlar valehedici görünür. Sakuranın çiçəklənməsi zamanı Bonn şəhərinə dünyanın müxtəlif yerlərindən turistlər bu gözəlliyi seyr etmək üçün axışıb gəlir. Təsadüfi deyil ki, Bonn şəhərini Almaniyanın "yaponsayağı” şəhəri adlandırırlar.