"Forbes" jurnalı 2017-ci ilin ən varlı amerikalı məşhurunun adını açıqlayıb.

ONNmedia xəbər verir ki, bu, sərvəti 5,5 milyard qiymətləndirilən rejissor Corc Lukasdır.

İlk üçlüyə 3,6 milyard dollar sərvətə sahib olan rejissor Stiven Spilberq və teleaparıcı (2,8 milyard dollarlıq sərvətə malik) Opra Uinfri daxildir.

Bundan əlavə, siyahıya keçmiş basketbolçu, 1,4 milyard dollarlıq var-dövlətə malik Maykl Cordan, fokusçu Devid Kopperfild (875 milyon dollar), reperlər - Diddi (820 milyon dollar), Jay-z (810 milyon dollar) və Dr. Dre (740 milyon dollar) da daxildirlər.

Siyahının ilk onluğunda sonuncu yerdə detektiv romanlar müəllifi, 730 milyon dollar sərvətə malik Ceyms Patterson qərarlaşıb.(Report)