Autizmli insanların hər 20-cisi çox güclü musiqiçi ola bilər.

ONN media Publika-ya istinadla xəbər verir ki, bu sözləri artıq 40 ildir xüsusi təbiətli uşaqlara fortepiano dərsləri tədris edən Adam Okelford bildirib.

Professor Okelford deyir ki, autizmli uşaqlar adətən küləyin səsində də musiqi eşidirlər. Məsələn adi insanların yalnız 10 minindən birində tam musiqi duyumu varsa, autizmli insanlarda bu istedada 20 nəfərdən birində rast gəlinir. Onlar dünyadakı bütün səslərin musiqidən ibarət olduğunu düşünürlər. Buna görə də, yüksək sürətlə keçən maşının motorunun səs hündürlüyünü təyin edirlər, lakin maşının yaradacağı təhlükəni anlamırlar.