Çuğundur, kök və alma şirəsi insan sağlamlığı üçün çox faydalıdır. Qanı təmizləyib, orqanizmi toksinlərdən xilas edən və arıqlamağa kömək olan şirə bədənə gün ərzində gümrahlıq hissi verir. Eyni zamanda xərçəng də daxil olmaqla bir çox xəstəlikdən qoruyur. ONN media axşam.az-a istinadən içkinin hazırlanma qaydasını təqdim edir: Bunun üçün təzə kök, alma və çuğunduru ətçəkən maşından və ya blenderdən keçirib, suyunu sıxın. "Cavanlıq içkisi" də adlandırılan şirənin tərkibi A, B qrupu və C vitaminləri ilə zəngindir. Görmə qabiliyyətini yaxşılaşdıran, metabolizmanı sürətləndirən bu içkini qəbul etməyə başladıqdan bir neçə gün sonra fərqi özünüz görəcəksiniz. İçkini günorta saatlarında acqarına qəbul etmək lazımdır.