Əfsanəvi kino ulduzu Nəsibə Zeynalovanın oğlu Cahangir Novruzov Instaqramda həyat yoldaşı Elnarə Novruzova ilə şəklini paylaşıb.

ONN media xəbər verir ki, Xalq artisti C.Novruzov paylaşdığı fotoda uğurlu evliliyin sirrini açıqlayıb. “Evlilik iki nəfərin bir-birinin ayağına basmadan həyat boyu oynadıqları tanqo rəqsidir” yazan C.Novruzov xoşbəxt evlilik həyatı olduğuna işarə edib.

Qeyd edək ki, Cahangir Novruzov Türkiyənin Adana şəhərində yaşayır. Azərbaycanlı aktyor və rejissor Adana şəhərində Çukurova Universitetinin Dövlət Konservatoriyasının teatr bölümündə dərs deyir.