Araşdırmalar kəklikotunun orqanizm üçün çox faydalı olduğunu sübut edib. Güclü antioksidant olan kəklikotu iltihabları aradan qaldırır, ağrıları azaldır, bəlğəmi sökür, immuniteti gücləndirir. Həmçinin həzm sisteminə yaxşı təsir edir, iştahanı açır, mədə problemlərini aradan qaldırır. Bitkinin ən mühüm xüsusiyyətlərindən biri də mikrobları öldürməsidir. Bəs, kəklikotunun bu faydalarından yararlanmaq üçün ondan necə istifadə etmək lazımdır? ONN media kəklikotu çayı hazırlamağın asan üsulunu təqdim edir: 2 çay qaşığı xırda doğranmış kəklikotunun üzərinə 1 stəkan qaynamış su əlavə edin. Beş dəqiqə dəmləyin. Daha sonra süzüb gündə 1-2 dəfə için.