Ermənistan Silahlı Qüvvələrinin Baş Qərargahı Tavuş bölgəsinin sərhədlərini müəyyən etmək məqsədilə dövlət kadastr komitəsinə sorğu göndərib. ONN media  xəbər verir ki, erməni mediası səbəbin Qazaxın işğalda qalan 7 kəndi ilə bağlı olduğunu yazır. “Məqsəd Tavuşun 1990-cı illərdən əvvəlki sərhədlərinin müəyyən edilməsi və Qazaxın işğalda qalan 7 kəndinin qaytarılmasıdır”, - məlumatlarda qeyd olunur. Ermənistan Müdafiə Nazirliyi bu məlumatı da təkzib edib, lakin erməni mənbələr ötən həftədən etibarən Tavuş istiqamətində sərhədin müəyyən edilməsi yönündə işlər aparıldığını yazır.