Yaqub Zurufçunun vəziyyətində dünəndən pisləşmə müşahidə olunur.

ONN media bildirir ki, bu barədə Publika.az-a “Yeni Klinika”nın reanimasiya şöbəsinin müdiri Emil Qasımov məlumat verib.

O, bildirib ki, koronavirusa yoluxan Əməkdar artist müalicəyə müsbət reaksiya vermir: “Bu da əsasən kəskin böyrək çatışmazlığı ilə bağlıdır. Bu məqsədlə ona hemodiyafiltrasiya dediyimiz fasiləsiz böyrək əvəzedici terapiya başlanıb”.

Qeyd edək ki, bir neçə gün əvvəl koronavirusa yoluxan Əməkdar artist Yaqub Zurufçu “Yeni Klinika”nın reanimasiya şöbəsinə yerləşdirilib və süni nəfəs aparatına qoşulub. Əməkdar artistin vəziyyəti ilə bağlı məsələ Birinci vitse-prezident Mehriban Əliyevanın nəzarətindədir.