İngiltərədə keçirilən "Böyük yeddilik" (G7) ölkələrinin xarici işlər nazirlərinin toplantısında Ukrayna ilə Rusiya arasında gərginlik gündəmə gəlib.

ONN media xəbər verir ki, bu barədə "TRT Haber" məlumat yayıb.

Liverpul sammitində çıxış edən Böyük Britaniyanın xarici işlər naziri Liz Truss Moskvaya xəbərdarlıq edib:

"Rusiyanın hər hansı pozuntusu ağır nəticələrə səbəb olacaq".

Sammitin sonunda da yekun bəyanat yayılıb. Sənəddə G7 ölkələri Rusiyanı Ukrayna ilə bağlı deeskalasiyaya çağırıb və həmçinin mümkün işğalın Rusiya üçün “ağır nəticələrə səbəbə olacağı və baha başa gələcəyi” barədə xəbərdarlıq edib.

XİN rəhbərləri Rusiyanın Ukrayna ilə sərhədə yaxın ərazilərdə hərbi mövcudluğunu artırmasını yekdilliklə pisləyiblər.