Bakıda rəsmən Yeni il hazırlıqlarına başlanılıb. Paytaxtın bayram üçün bəzədilməsi işlərinə start verilib.

Yeni il hazırlıqlarına başlanıldığı üçün artıq “Şaxta baba” personajlarının fəaliyyətinə də icazə verilib.

ONN media xəbər verir ki, Modern.az-ın Bakı Şəhər İcra Hakimiyyətinin Ticarət və xidmət departamentindən əldə etdiyi məlumata görə, şəhərin hansı hissəsində Yeni il ağacları qurulacaqsa, orada Şaxta babaları da görə biləcəyik.

Hələlik isə Şaxta baba və Qar qız olmaq üçün müraciət edən yoxdur. Məlum olub ki, bu il Şaxta babaların ödəyəcəyi rüsum 60 manat təşkil edəcək.

Ticarət və xidmət departamentindən Yeni il gecəsi atəşfəşanlıqla bağlı hələ ki, rəsmi qərar verilmədiyi də bildirilib.