Polis Gürcüstanın paytaxtı Tbilisidə 82 yaşlı qadını xüsusi amansızlıqla öldürməkdə ittiham edilən şəxsi saxlayıb. 

ONN media xəbər verir ki, bu barədə məlumatı Gürcüstan Daxili İşlər Nazirliyi yayıb. 

Bildirilir ki, saxlanılan şəxs 1990-cı il təvəllüdlü N.N-dır. 

Məlumata əsasən, sözgüdən şəxs Tbilisidə qohumu, 1940 -cı il təvəllüdlü qadının evinə gedərək ona küt alətlə zərbə endirib. Daha sonra isə qadının evindin televizoru götürərək lombarda təhvil vermək üçün aparıb. İkinci dəfə yaşlı qadının evinə qayıdan N.N. cinayəti gizlətmək üçün onun cəsədini yandırıb və ərazini tərk edib. Polis cinayətdə təqsirli bilinən şəxsi bir neçə saat ərzində saxlayıb. 

Faktla bağlı Gürcüstan cinayət məcəlləsinin 109-cu maddəsinin müvafiq bəndləri əsasında istintaq başladılıb. Təqsirləndirilən şəxsi 16 ildən 20 ilədək azadlıqdan məhrumetmə cəzası gözləyir.