"Bütün dünya ölkələri Rusiya Prezidenti Vladimir Putinin Ukraynaya qarşı müharibəsində taktiki nüvə silahından istifadə edə biləcəyinə hazır olmalıdır".

Bunu CNN telekanalına müsahibəsində Ukrayna Prezidenti Volodimir Zelenski deyib.

O qeyd edib ki, Putin Ukrayna xalqının həyatına dəyər vermədiyi üçün nüvə və ya kimyəvi silahdan istifadəyə gedə bilər.

“Tək mən yox, bütün dünya, bütün ölkələr narahat olmalıdır, çünki bu, real məlumat olmaya bilər, amma əqiqətə çevrilə bilər. Kimyəvi silahlar, onlar bunu edə bilər, onlar üçün xalqın həyatı heç bir şey deyil. Düşünməli, qorxmamalı, amma hazır olmalıyıq. Ancaq bu, təkcə Ukrayna üçün deyil, məncə, bütün dünya üçün sualdır”, - deyə Zelenski bildirib.