Bu dərman preparatlarının hansı səbəbdən gətirlməməsi ilə bağlı isə məlumat verilməyib.

Azərbaycanda uşaqlar üçün qızdırma salan şamlar yoxa çıxıb.

Bu barədə Ölkə.Az-a valideyn Nigar Nəsirova müraciət edib. O bildirib ki, artıq bir aydan çoxdur uşaqlar üçün  olan "Panadol", "Nurafen"  və s. qızdırma  salan şamlar paytaxtda və rayonlarda tapılmır.

Valideynin sözlərinə görə, kiçik yaşda uşaqlara qızdırma üçün sirop içirmək çətin oduğundan şamlar daha effektiv vasitə olsa da, çoxdandır satşda yoxdur.

ONN media bildirir ki, "Avis", "Zəfəran" və "Zeytun" aptek şəbəkələrindən Ölkə.Az-a bildirilib ki, sözügedən şamlar artıq 1 aydan çoxdur ki, satışda yoxdur. Bu dərman preparatlarının hansı səbəbdən gətirlməməsi ilə bağlı isə məlumat verilməyib.

"Planeta" apteklər şəbəkəsindən saytımıza cavab olaraq bildirilib ki, qızdırma salan şamlardan hazırda yalnız "Genferon" şamı var.  Dərman preparatının qiyməti isə 9 manat 7 qəpikdir.

"Türkeş" aptekdən isə soruğumuza cavab olaraq bildirilib ki, adı çəkilən şamlar içərisində yalnız "panadol" şamı satışda mövcuddur.

Məsələ ilə bağlı Ölkə.Az-a danışan həkim farmokoloq Müşfiq Hüseynov deyib ki, bu şamların bazarda yoxa çıxması 2 səbəblə əlaqədar ola bilər:

"Düzü, həmin şamların hansı səbəbdən tapılmaması ilə bağlı məlumatım yoxdur. Lakin onu deyə bilərəm ki, bu problem 2 səbəbdən qaynaqlana bilər. Birincisi ola bilsin ki, istehsalçı ölkədə qiymət dəyişikliyi olub və bununla əlaqədar satış müvəqqəti dayandırılıb.

İkinci isə odur ki, bu cür malların böyük hissəsi bizə həmin şirkətlərin Rusiya ofisindən göndərilirdi. Təxminən 20 gün ərzində uçuşlar dayandırıldı, transfer olmadı. Amma belə hallar adətən uzun çəkmir. Əgər bazarda tələbat varsa, mütləq tələbatı ödəmək üçün preparatı gətirəcəklər. Səbəbi bilmədən əminliklə deyə bilərəm ki, həmin məhsullar yenidən bazara daxil olacaq",- deyə o söyləyib.