Rusiyanın Ukraynaya genişmiqyaslı silahlı təcavüzü ilə əlaqədar 42 ölkənin Haaqa Beynəlxalq Məhkəməsinə müraciət edib.

Bunu Ukrayna Ədliyyə naziri Denis Malyuska deyib.

"Artıq 42 ölkə Haaqa Beynəlxalq Məhkəməsinə müraciət edib. Müharibə cinayətlərinin beynəlxalq səviyyədə araşdırılmasına başlanılıb. Bu ölkələrin müraciəti Ukrayna ilə bağlı proseduru sadələşdirməyə və sürətləndirməyə imkan verib", - nazir  qeyd edib.

Malyuska bildirib ki, hazırda ölkənin hər yerindən ekspertlər Kiyev vilayətinin Buça şəhərində rus işğalçılarının cinayətlərinə dair sübutlar toplayır. 

Ədliyyə Nazirliyinin rəhbəri əlavə edib ki, təhqiqatın tez bir zamanda nəticəsini gözləmək lazım deyil, çünki Rusiya Federasiyası öz hərbçilərini ekstradisiya etməyəcək, akin onlar mütləq məsuliyyətə cəlb olunacaqlar.