Ümumdünya Səhiyyə TəşkilatI tərkibində salmonella bakteriyası rastlandığına görə, bir çox ölkələrdə satışdan yığışdırlan "kinder surprise" yumurtaları ilə bağlı açıqlama yayıb.

Qurumdan verilən açıqlamada indiyədək 11 ölkədən 151 yoluxma hadisənin qeydə alındığı bildirilib.

Qeyd edilib ki, 25 aprelə qədər Belçikada salmonella bakteriyasına 26, Fransada 25, Almaniyada 10, İrlandiyada 15, Lüksemburqda 1, Hollandiyada 2, Norveçdə 1, İspaniyada 1, İsveçdə 4, Böyük Britaniyada 65 və ABŞda 1 yoluxma hadisəsi aşkarlanıb.

ÜST-dən bildirilib ki, araşdırma nəticəsində infeksiyanın Belçikadakı şokolad istehsalı müəssisəsindən qaynaqlandığını üzə çıxıb.

Böyük Britaniya təşkilatı ilk dəfə 27 martda salmonella infeksiyası ilə bağlı məlumatlandırıb .

Xatırladaq ki, sözügedən ölkələrdə "kinder surprise" yumurtalarından qaynaqlanan salmonella  bakteriyasına yoluxma olduğu üçün bir çox ölkələrdə, o cümlədən Azərbaycanda "Ferrero" şirkətinə məxsus şokolad və yumurtaların bəzi partiyalarının satışdan yığışdırılmasına qərar verilib.