ABŞ-ın Ukraynadakı səfirliyi fəaliyyətini bərpa edir. İlkin mərhələdə səfirlik Lvovda fəaliyyət göstərəcək, mayın sonunda isə paytaxta köçməyi planlaşdırır.

Bu barədə Lvovda keçirilən brifinqdə ABŞ-ın Ukraynadakı müvəqqəti işlər vəkili Kristina Kvin məlumat verib.

“Əvvəlcə Polşadan Ukraynaya getməyi planlaşdırırıq. Sonra zamanla Lvovda 3 həftə qalmağı düşünürük və ayın sonuna qədər Kiyevə köçmək imkanımız olacağına ümid edirik”, - deyə o bildirib

K.Kvin jurnalistlərin Ukraynanın Xarici İşlər naziri Dmitri Kulebanın dediyi kimi, təhlükəsiz olduğunu və bir çox səfirliyin paytaxta qayıtdığını, ancaq ABŞ səfirliyinin niyə dərhal Kiyevə qayıtmaması ilə bağlı suallarını da cavablandırıb: “Mənim əsas vəzifəm əməkdaşlarımızın təhlükəsizliyidir. Biz də onların bizə dediklərinə qulaq asırıq ki, bunun nə qədər təhlükəsiz olduğunu söyləyirik. Və buna uyğun olaraq, tövsiyə və icazə olarsa, qayətmağa məmnun olarıq”.

Onun sözlərinə görə, təhlükəsizlik vəziyyəti Ukraynanın paytaxtına getməyə imkan verən kimi “Kiyevdə uzun müddət qalacaqlar”.