Moldovada müxalifət partiyaları hökumət əleyhinə mitinq keçirir.

Ölkənin Kommunistlər Partiyası və Şor Partiyası ağır sosial-iqtisadi vəziyyətlə əlaqədar hökumətə etiraz edir.

Aksiya Kişinyovda Əmək və Əhalinin Sosial Müdafiəsi Nazirliyinin binası qarşısında baş tutub. Aksiya iştirakçıları qeyd ediblər ki, hökumət ölkədəki iqtisadi böhranın öhdəsindən gəlmir.

“Hökuməti devirənə qədər etiraz edəcəyik. Bu da ona görə deyil ki, biz siyasi opponenik, ona görədir ki, biz artıq vətəndaşlara qarşı zorakılığa yol verilməsini istəmirik. İqtisadi böhrandan çıxmaq üçün parlamentdə bir sıra təşəbbüslər irəli sürdük, lakin əksəriyyət onları dəstəkləmədi”, - müxalifət nümayəndələri qeyd ediblər.