Bu gün Prezident İlham Əliyev Bakının Nizami rayonundakı ticarət mərkəzində baş vermiş yanğınla əlaqədar keçirdiyi müşavirədə yanğının səbəblərinin araşdırılması ilə bağlı bir daha tapşırıqlarını verib.
ONN media xəbər verir ki, Prezident bütün ticarət mərkəzlərində ciddi təftiş aparılmalı, təhlükəsizlik tədbirlərinin gücləndirilməli olduğunu bildirib. Azərbaycan Prezidenti bir daha vurğulayıb ki, dövlət sahibkarların yanındadır və yanğından zərər çəkmiş sahibkarlara operativ qaydada maliyyə dəstəyi göstəriləcək.