ONN media xəbər verir ki, Azərbaycan Respublikasının Prezidenti İlham Əliyevin bu gün imzaladığı əfv fərmanı ilə keçmiş Səhiyyə naziri Əli İnsanov əfv edilib.

Xatırladırıq ki, Ə.İnsanov 2005-ci ilin oktyabr ayında həbs olunub. O, dövlət vəsaitlərinin mənimsənilməsində və dövlət aktivlərinin qanunsuz özəlləşdirilməsinin təşkilində ittiham olunub. 2007-ci ilin aprel ayında əmlakı müsadirə olunmaqla o, 11 il müddətinə azadlıqdan məhrum olunub. Son dəfə Bakı şəhəri Qaradağ Rayon Məhkəməsinin 2017-ci il 26 aprel tarixli hökmü ilə məhkum edilmişdir.