Aprelin 16-da Bakı Slavyan Universitetində "Azərbaycan Plovu Günü" adlı tədbir keçirilib.

Tədbirdə Ukrayna Respublikasının Azərbaycandakı fövqəladə və səlahiyyətli səfiri Aleksandr Mişekko, Çexiya Respublikasının Azərbaycandakı fövqəladə və səlahiyyətli səfirinin müavini Petr Vanqer, Ombudsman Elmira Süleymanova, Belarus Respublikasının Azərbaycandakı konsulu İness Pavlovskaya və digər qonaqlar iştirak etmişdir.

Tədbiri BSU-nun rektoru, professor Nurlana Əliyeva açaraq qonaqları salamlayıb, tədbirin mahiyyəti barədə onlara qısa məlumat verib. Nurlana xanım aprelin 11-də keçirilmiş prezident seçkilərində Azərbaycanda demokratiyanın, söz azadlığının və eyni zamanda xalqın mütəqil seçim hüququna hörmətlə yanaşıldığını göstərdi.

Rektor qeyd edib ki, milli idealogiyanın tərkib hissələrindən biri də xalqın mətbəx mədəniyyətidir: "Mətbəx ölkədəki ictimai-siyasi durumu, sosial-iqtisadi vəziyyəti, ölkənin rifah halını göstərən başlıca faktorlardandır. Dövlət başçısının xüsusi qayğı və göstərişi ilə ilboyu təşkil olunan yarmarka və kənd təsərrüfatı məhsulları sərgisi insanlarımızın keyfiyyətli və sağlam ərzaq məhsulları ikə təminatına yönəlmiş real addımlardandır". BSU-nun rektoru Azərbaycan mətbəxini həm də xalqın mənəvi dəyərlərinin, qonaqpərvərliyinin, insanpərvərliyinin əsas xüsusiyyətlərindən biri kimi dəyərləndirilib.

Fəridə Qafarova