Təhsil Nazirliyi sisteminə daxil olan ümumi təhsil müəssisələrinə müəllimlərin işə qəbulu üzrə imtahanlarda iştirak edən şəxslərdən ötən il 5 minədək şəxs işə qəbul olunmuşdu. Bu il isə işə qəbul imtahanı və ondan sonrakı mərhələdən keçmək nəticəsində ümumilikdə 10-11 min nəfərin işə qəbul olunacağı gözlənilir. ONN media xəbər verir ki, bunu bunu Təhsil Naziliyində keçirilən mətbuat konfransında nazirliyin İnsan resursları şöbəsinin müdiri Eşqi Bağırov bildirb. O qeyd edib ki, bu il vakant yerlərin sayı daha çox olacaq: “Beləliklə, Təhsil Nazirliyi olaraq bizim əlavə yerləşdirmək imkanlarımız daha çox olacaq. Biz maksimum şəkildə müsabiqədə hamının iştirakına şərait yaradacağıq. İşə qəbul imtahanında iştirak etmək üçün yeganə və əsas tələb şəxsin pedaqoji ixtisası bitirməsidir”. Nazirlik rəsmisi daha sonra deyib: “Statistik rəqəmlərin təhlili müəllimlərin işdə qəbulu ilə bağlı dinamikanın artımını nümayiş etdirir. Yəni, biz bunu asanlıqla müşahidə edirik. Güman edirik ki, bu ilə işə qəbul imtahanında iştirak etmək üçün qeydiyyatdan keçən şəxslərin sayı təxminən eyni sayda olacaq. Ancaq istənilən halda elektron sənəd qeydiyyatı başa çatandan – iyulun 3-dən sonra biz neçə nəfərin qeydiyatdan keçdiyini deyə biləcəyik”. Nazirlik rəsmisi bu prosesdə jurnalistlərə sıx işləyəcəklərini vurğulayıb: “Biz həm test imtahanı, həm də müsahibə mərhələsində jurnalistlərlə bərabər olacağıq”. Eşqi Bağırov ən çox vakant yerin ibtidai sinif müəllimliyi üzrə olduğunu da bildirib.