İyunun 23-də İstanbul Böyükşəhər Bələdiyyyəsinə keçirilən seçkilərdəki məğlubiyyətdən sonra AKP-də dəyişiklik olacaq. ONN media xəbər verir ki, bunu Türkiyə Prezidentinin müşaviri Orxan Qaraqurd bildirib. Belə ki, Ramazan Coşqun adlı bir vətəndaş Tvitter hesabında təşkilat mənsublarına cəza verilməsinin gərəkdiyini, əks halda eyni məğlubiyyətin təkrar yaşana biləcəyi barədə xəbərdarlıq edib. Bu paylaşıma Türkiyə Prezidentinin ən yaxın adamlarından biri hesab edilən Qarqurd biganə qalmayıb və vətəndaşın yazdıqlarını təsdiq edib. Qeyd edək ki, 23 iyunda keçirilən İstanbul bələdiyyə başqanı seçkilərində CHP-nin namizədi Ə.İmamoğlu AKP-nin namizədi B.Yıldırıma qalib gəlib.