İstanbul Böyükşəhər Bələdiyyəsinin yeni sədri Əkrəm İmamoğlunun 7 il öncə paylaşdığı tvit yenidən müzakirələrə səbəb olub. ONN media xəbər verir ki, onun 2012-ci ildə Tvitter səhifəsində yazdığı “Bəylikdüzündə iqtidar olmadan bizə yuxu yox! Bilin ki, ardından İstanbulda, Türkiyədə iqtidar olacağıq” sözləri sosial şəbəkə izləyiciləri tərəfindən sürətlə paylaşılmaqdadır. Xatırladaq ki, 23 iyunda keçirilən təkrar seçkilərdə Ə.İmamoğlu (Millət ittifaqı) rəqibi Binəli Yıldırıma (Cümhur ittifaqı) təxminən 800 minlik səs fərqi ilə qalib gəlib.