Braziliya prezidentinin təyyarəsindən 39 kiloqram kokain tapılıb. ONN media xəbər verir ki, narkotik maddə 28-29 iyunda Osakadakı “Böyük iyirmilik” sammitində iştirak etmək üçün yola düşən prezident Jair Bolsonarı müşahidə edən serjantın çantasında tapılıb. Belə ki, Seviliyada hava limanında ispan sərhədçilərinin yoxlanışı zamanı 38 yaşlı Manoel Silva Rodriqesin çantasında 37 bağlama şəklində 39 kq narkotik aşkar edilərək götürülüb. Hərbi polis hadisənin detallarını araşdırır. Bolsonar özü isə Lissabonda yanacaq doldurma zamanı digər təyyarə ilə yoluna davam edib. Prezident baş verənlərlə heç bir əlaqəsinin olmadığını deyib və ölkənin Müdafiə Nazirliyinə məsələnin araşdırılması üçün ispan polisi ilə birgə işləməyi tapşırıb.(qafqazinfo.az)