Sumqayıtda avtobuslar üçün qoyulan yol nişanında kobud səhvə yol verilib. Yol nişanının səhv olması qəzalara səbəb olur. ONN media xəbər verir ki, bu aktual mövzunu hüquqşünas Ərşad Hüseynov gündəmə gətirib. Hüquqşünas bildirib ki, yol nişanının rəngi düz deyil, nişanlanma təhrif edilib: “Bu yaxınlarda Sumqayıtda avtobuslar üçün xüsusi hərəkət zolaqları yaradıldığı barədə məlumat yayıldı. Bu işi kim edibsə, çox ciddi səhvlərə yol verib. Xətlərin rəngi düz deyi, 1.23 nişanlanması təhrif olunub, BUS əvəzinə A yazılıb, yolayrıclarında çox ciddi, özü də son dərəcə təhlükəli səhvlər buraxılıb. Hətta artıq bu səhv ucbatından qəza baş verdiyi də deyilir. Bir sözlə, xəcalət çəkdim”. Ə.Hüseynov bildirib ki, təcili olaraq bu səhvləri düzəltmək lazımdır: “Belə işləri görəndə qanuna, standarta baxmaq lazımdır. Ən azından Bakıda 3 yerdə bu zolaqlar var, heç olmasa, onlara baxmaq olardı”.