Çoxumuz elə hesab edirik ki, saçların fenlə qurudulması onlara ciddi ziyan vurur, tökülməsinə səbəb olur.

ONN media xəbər verir ki, bu səbəbdən hətta, əksər mütəxəssislər saçları təbii şəkildə qurutmağı tövsiyə edirlər.

Lakin Britaniya alimi Tim Mur araşdırma zamanı sübut edib ki, əksinə fenlə saçları qurutmaq təbii şəkildə qurutmaqla müqayisədə saçlara daha az ziyan vurur.

Alimin fikrinə görə, düzgün məsafədə və lazım olan hərarətdə saçları fenlə qurutmaq ziyanlı deyil. Suyun təsiri nəticəsində saçlar zəifləyir və bu təsir nə qədər çox olarsa, saçlar daha da çox zəifləyəcək. Bu səbəbdən saçların tez bir zamanda quruması çox vacibdir

Fenlə qurudanda aşağı temperaturdan başlayın və sonra saçlar qurumağa başlayanda temperaturu bir qədər artırın. Feni saçlara çox yaxın məsafədə tutmayın.