Ucuz daşınmaz əmlak alaraq Türkiyə vətəndaşlığını əldə edən çinlilər ölkədə 10 milyona çatmağı hədəfləyirlər.

ONN media xəbər verir ki, bu iddia ilə türkiyəli yazar Məhməd Əli Önal çıxış edib.

O yazısında bildirib ki, çinlilər iqtisadi cəhətdən Türkiyəni asılı vəziyyətə salmaq istəyirlər:

“Qlobal sərmayənin mərkəzi Çin 8 trilyon dollarlıq “Bir kəmər, bir yol layihəsi” çərçivəsində Türkiyənin əmlak sektoruna ciddi investisiya qoymağa hazırlaşır. Çin əsrin ən böyük istila prosesini başladıb. Çinlilər bu layihəyə qoşulan ölkələrə kredit verərək özlərindən asılı vəziyyətə gətirməyi planlaşdırırlar”.