ONN media xəbər verir ki, Belçikanın Waterloo şəhərində Bələdiyyəyə yaxın bir yerdə qorunan sənət əsərlərindən olan Azərbaycan şairi Xurşidbanu Natəvanın heykəlinə Ermənilərin təcavüzü Azərbaycan Cümhuriyyətində, Türk Dünyası və Azərbaycanlılar tərəfindən etirazla qarşılandı. Hollandiyada olan Azərbaycan Sivil Cəmiyyət Quruluşları bir çıxış ilə çirkin hücumu qınayaraq, bu hadisəni həyata keçirənlərin saxlanılaraq ədalətə təslim edilməli olduqlarını bildirdilər. Belçikada xidmət göstərən Azərbaycan Dostluq Cəmiyyətinin rəhbəri Ayhan Dəmirçi isə açıqlama verərək bildirib ki, " Mədəniyyətlərin qardaşlıq və dostluq içərisində yaşadığı Avropanın da paytaxtı olan Belçikanın Waterloo şəhərində olan Azərbaycan ədəbiyyatının görkəmli şəxsiyyətlərindən Xurşidbanu Natəvanın heykəlinə qarşı ermənilərin etdiyi çirkin hücumu şiddətlə qınayırıq. Bu hadisə tarixə, sənətə və təhsilə edilən ən pis hücumdur. Belçika Azərbaycan dostluğunun rəm zi olan bu qadın heykəlinə həm də "Qadınlar Günündə olunan bu hərəkət eyni zamanda bütün dünya qadınlarına edilmiş ən böyük hörmətsizlikdir. Bu çirkin plan ermənilərin də qadın düşmənliyinin göstəricisidir. Əbədi bir şəxsiyyət olan bu qadının heykəlinə hücum ermənilərin nə qədər kin və nifrət dolu olduqlarını açıqca ortaya qoyur. Belçikanın sülh mərkəzində cansız bir heykələ bu qədər kin ilə yanaşan ermənilərin Xocalıda gücsüz və qoruması olmayan qadınlara etdikləri vəhşiliyi yaxşı başa düşürük. Hərşeyə rəğmən biz qanuni və demokratik olaraq bu çirkin hadisənin səbəbkarlarının saxlanılaraq ədalətə təslim edilməsi istiqamətində bacardığımızı edəcəyik. Belçikada 300 minə yaxın Türk yaşamasına baxmayaraq heçbir Türk Belçikada olan sözdə Erməni Soyqrımı heykəllərinə sülhü pozmamaq üçün hücum etməyiblər. Belçikanın səlahiyyətli şəxsləri bu məsələni diqqətə alaraq bu hadisənin səbəbkarlarının saxlanılaraq ədalətə təslim etməyini gözləyirik" dedi. Fəridə Qafarova